383. Song—My Wife’s a winsome wee thing by Robert Burns

Chorus.—She is a winsome wee thing,
She is a handsome wee thing,
She is a lo’esome wee thing,
  This dear wee wife o’ mine.

I NEVER saw a fairer,
I never lo’ed a dearer,
And neist my heart I’ll wear her,
  For fear my jewel tine,
    She is a winsome, &c.

The warld’s wrack we share o’t;
The warstle and the care o’t;
Wi’ her I’ll blythely bear it,
  And think my lot divine.
    She is a winsome, &c.

383. Song—My Wife’s a winsome wee thing